Kal jo kuchh bhi tha
Wo aaj fir kyu nahi?
Khule aasman k sarhad ko
paane bebas aashaaye meri
raund gayi raah par kahi....
jo saath de mera ab
wo aaj hai yaha kyu nahi?
Hawa bhi mujh par has rahi
Khele kaise ye waqt bhi
Le chale jo door is zindagi se
Wo aasra hai ki nahi?
Aasu bhi kho gaye, dhul gaye
Boondo se, seejh liye koi zindagi,
Jo sham mujhko dhaank le
Wo sahil naseeb kyu nahi?
Naam likh gaye wo pathar
Ki lakeer se, unko meri syaahi
Kam padi, jo na mit sake, wo
Shabd saral aaj kyu nahi?
Kabse hum adig khade
Aas lagaye aaj bhi
Jo chhod gaye is raah pe
Wo laut-te aaj kyu nahi?
Anjaano ki bheed me
Neend palko pe nahi
Mujhko hausla jo de,
Ishaare kho gaye kahi...
Thaam tanhayi ka haath
Hum chal rahe; der sahi,
Ab tak roothe kyu atal,
Ho mudke aate kyu nahi?
Sawan ke baadal ki or
Aankh utha toh le abhi,
Ek nishaan apna bhi dekh
Jise waqt ki imteha padi.
Khare laaye unko jo,
Wo kasar hai baaki kyu nahi?
Duur jaate unko dekh
Kyu aasuvo ki thi kami
Ek baar keh dete agar
Na hoti khushiyo ki bali.
Kaash ye saans na hoti, ya
Saath wo hote hamare,
Par kaisi ye mushkil ghadi?
Hai haal aisa kyu abhi?
Kal jo kuchh bhi tha
Wo aaj fir kyu nahi.......
